Ki jingpluh khlaw: Ka jingtei ïa ka rukom pynbeit lyngba ka G20 Presidency jong ka India

By Mawphor Editor On Sep 8, 2023

Shillong, Nailur, 04: Ki jingpluh khlaw ki dei kiba la kham pur bad kiba kham khlain ha kine ki phew snem ba la dep bad ki la pynjulor ïa ki thain kjit carbon kum ki khlaw boreal ka Canada bad ki khlaw ka thain Amazon ha Brazil. Ka jingwadbniah da ka SkulbahMarlylandka la shem ba ki jingpluh khlaw mynta ki wanrah ïa ka jingduh shuh shuh haduh 3 million hectare ki jaka ba bun dieng ha ka shi snem haba ïanujor bad u snem 2001, bad kane ka long palat shi pawa ka jingduh ki jaka tap khlaw ba la duh ha kine ki 20 snem ba la dep. Kane ka jingkiew ki jingpluhkhlaw, ka jingkhlain jong ki bad ka jingpur jong ki ka la wanrah ïa ka jingkhuslai shaphang ka jingktah ïa ka mariang bad ki lad ïa ki kam bapher bapher.
Ka jingkylla ka suinbneng ka la wanrah ïa ka jingkiew ki jingpluh, ha kaba ki por ba shit tasam ka la kham bun san shah ban ïa kaba ngi ju ïohi 150 snem mynshuwa. Kane ka jingpyntyrkhong ïa ki jaka ka long kumba pynkhreh ïa ki jingpluhkhlaw kiba heh bad kane ka pynmih ruh ïa ki tdem bad ka pynkhlain ruh ïa ka jingktah jong ka jingkylla ka suinbneng. Ka jingtyrkhong ki jaka ka don bynta ruh ha ka jingduh ki jaka khlaw namar ka jingkylla ka suinbneng.
Ka rukom treikam ha India
Ka India ka la pyrshangpynbeit ïa ka jingkiew ki jingpluhkhlaw ha ki jaka bapher bapher jong ka pyrthei da kaba pynkhlain ïa ki rynsan peit ïa kine ki jingpluhkhlaw. Namar 25% ki khlaw ha India ki dei kiba don jingma bha na ki jingpluh, tang kumba 3% ki jaka tap khlaw ki dei kiba duh namar ki jingpluhkhlaw. Ka Forest Survey of India ka la shna ïa ka rynsan Van Agni Geo ban plie lad ban peit ïa ki jingtip kiba ïadei bad ki jingpluhkhlaw ha kaba lah ban peit ïa ki jingpluh kiba heh ha kanokano ka por. Kane ka rynsan kan long ka tyllong jong ki jingtip shaphang ki jingpluhkhlaw ha India. Ka jingpeit ïa ki kam kiba ïadei bad ki jingpluhkhlawshen kin hap hapoh ka jingpeit jong ka National Disaster Management Authority (NDMA), ban pynthikna ïa ka jingpeit kaba sted ïa ki jingpluhkhlaw.
Ha ryngkat ka jingkyntiew ïa ka teknoloji bad ka jingpeit ïa ki kam, ki bor ba dei peit ki dang pdiang ïa ki tiar ban kyntiew ïa ki rukom trei ban tehlakam ïa ki jingpluhkhlaw. La pyndonkam ïa kaJoint Forest Management (JFM) ban wanrah ïa ka jingïashim bynta ka imlang sahlang ha ka jingïada bad ka jingtehlakam ïa ki jingpluhkhlaw. La seng ïa ki JFM komiti – ha ki shnong ha kylleng ka ri ban kyntiew ïa ki kam jingïada bad jingpynneh. Mynta ki don36,165 tylli ki JFM komiti ha kylleng ka ri, kiba peit ïa ka jaka kaba palat 10.24 million hectare.
Ki rukom treikam ha ka imlang sahlang ban teh lakam ïa ki jingpluh ki dei kiba la saphriang ha ki thain bapher bapher jong ka India kiba kynthup ruh ïa ka distrikUttar Kannada jong ka Karnataka. Kine ki rukom treikam ki wanrah ïa ka jingïatreilang jong ka imlang sahlang bad ka jingpyntbit ïa ki lyngba ki prokram ai jingtip, ki tamasa ha ki surok, ki jingrah jingtip na iing sha iing, ki control room ban tehlakam ïa ki jingpluh bad ki jaka peitngor. Ka tnat pynlip ding ka la shem ïa ka jing duna ki jingjia da palat 5% hapoh ka shi snem bad ki jaka ba la ing namar ki jingpluhkhlaw ki la duna da palat 58%. Ha kaBandipur Tiger Reserve, ka jingkhyllie im biang ïa ki jaka ba la shah ktah da ki jingpluhkhlaw ki dei kiba ïaidryntih. Kane ka la iarap ba kyntiew ïa ka jingkhlain ka biodiversity hapoh 12-18 bnai.
Ka India ka dang pynkhreh ban peit ïa ki kam kiba ïadei bad ka jingtehlakam ïa ki jingpluhkhlaw namar ki jingjialynshop ka mariang. Da kaba burom ïa ki rukom tynrai ban tehlakam ïa ki jingpluhkhlaw, ka India ka dang kyntiew bad pdiang ïa ki jingnang jingstad tynrai bad kane ka la wanrah ïa ka jing duna jong ki jingpluhkhlaw bad ki jingduhnong. Ka India ka pynshlur ïa ki kam ka imlang sahlang ban tehlakam ïa ki jingpluhkhlaw, da kaba shaniah ha ka bor jong ka imlang sahlang ban pynbeit mardor ïa ki jingpluhkhlaw. Ka jingwanrah ïa ki teknoloji katkum ka juk mynta, kum ka rynsan ai jingtip shaphang ki jingpluhkhlaw, ka jingpeit ïa ki jingpluhkhlaw lyngba k GPS bad kiwei kiwei ki sienjam ban ïarap ïa kito kiba pynïaid ïa ki kam ban tehlakam bad pynbeit ïa ki jingpluhkhlaw ka la pynduna ïa ki jingjïa bad ki jingduhnong.
Ka jingkongsan jong ka G20
Da kaba kynmaw ïa ka jingma jong ki jingktah ki jingpluhkhlaw ïa ka jingkylla ka suinbneng, ka India presidency ha ka G20 summit mynta u snem ka la sdang ïa ka ‘Gandhinagar Implementation Roadmap (GIR) bad Gandhinagar Information Platform (GIP)’ban pynkhlain ïa ka G20 Global Land Initiative. Kane ka rukom pyntreikam ka thmu ban kyntiew ïa ka jingïatreilang hapdeng ki ri ba ïashim bynta ban pynsted ïa ki lad khyllie im ïa ki jaka ba shah ktah ha ki jingpluhkhlaw bad ki jaka ba shah ktah ha ki kam tih mar poh khyndew.
Kane ka dei ka sienjam ba kyrpang ba la sdang hapoh ka presidency jong ka India.Ki dkhot ka G20 ki sngewthuh ba khnang ban pynbeit ïa ki jingeh kiba ïadei bad ka suinbneng bad ka mariang, dei ban leh ïa ki kam kiba heh ha kylleng ka pyrthei bad dei ban ïasam ïa kine ha kylleng ka pythei khnang ba ka jingkylla sha ka jingïaineh kan urlong. Ka jinglong ba kongsan jong ka seinajm GIP-GIR ka dei ba kan peit bha ïa ka jingpyntreikam ïa ki kam ban pynheh ïa ki jaka ba tap khlaw ha ryngkat ka jingïashim bynta ka imlang sahlang bad ki jingnang jingstad tynrai ha ryngkat ka jingïasam ïa ki rukom treikam. Kane kan pynkhlain ïa ka jingïatreilang ha ka nongrim jong ka jingïaineh hapdeng ki ri bad kan kyntiew ïa ka jingïaid ka jingnang jingstad kaba lah ban pynïar ïa ki kam na ka bynta ka jingkhyllie im biang.