U soh Pomegranate u don bun bha ki nutrients, bad Vitamin B5 bad u iarap ia ki shyieng. U longu soh uba pawnam bha ha kylleng ka pyrthei. L laap nyngkong eh ia uneu soh hapoh ki jaka ba shaphang shatei ka India, Pakistan, Iran bad Afghanistan, bad ha ki katto katne ki jaka ri lum ka Malaysia, Southeast Asia, California, Armenia, Africa.
U soh pomegranate bunsien la ju ïaroh namar ba u dei u jait soh ba don shibun ka antioxidants, u don shibun bha ka vitamin K kaba ïarap ban kyrshan ïa ka koit ka khiah jong ki shyieng bad u don ruh ka vitamin B5 kaba ïarap na ka bynta ka jingtreikam ki kynja dawai ba don hapoh ka met, ka protein, carbohydrate bad ki khleiñ.
U pomegranate u dap ka manganese kaba ïarap na bynta ki shyieng, ki bniah, kpoh bad u don ka potassium kaba ïarap na ka bynta ka jingtreikam ki sniew bad jingdon ka um ha ka met. U don ruh ka phosphorus, magnesium, calcium, zinc bad iron bad tang khyndiat eh ka khlein ha une u soh bad um don ka cholesterol. U don kumba 130-150 calorie bad kumba 105 calorie ki dei na bynta ki shyieng.
Ki shyieng jong une u soh ki long kiba bun bha ki calorie ki don ïa kita ki kynja umphniang bala tip kum unsaturated oil, ka shini bad carbohydrates bad u don ruh shibun ki fiber bad katto katne ki protein ha ki shyieng jong une u sah. Kumba long kiwei kiwei pat ki soh bad ki jhur ba ai jingmyntoi na ka bynta ka koit ka khiah, une u soh ruh u don ka bynta kaba ai jingmyntoi ïa ka koit ka khiah.
U soh pomegranate u ïada ïa ka epidermis bad dermis bad aibor na ka bynta ka jingkhiah ki cell ha ka sniehdoh, ïarap maramot ïa ki snier, pynkhiah ïa ki dak mong bad aibor ruh na ka bynta ka jingtuid bha ka snam sha ka sniehdoh.
Ka jingbam ïa u soh pomegranate ka pynïoh ïa ka sniehdoh kaba ni bad jlih bad ïada na ka jingthang tyrkhong ka sniehdoh na ka sngi, kum ka cancer bad jingthang kyrang ka snihedoh na kasngi.
Ka umphniang u soh Pomegranate ka don ka antioxidant ellagic acid kiba lah ban ïarap na ka bynta ban pyntlot bor bad iada ïa ka jingpang bamprum ka sniehnoh lane skin tumour. U ïarap ban ïada na ka hyperpigmentation ne ka jingsti ka sniehdoh.
