Ki jaka ban neh ha Meghalaya bad leit sha ka Assam kat kum ka MoU
Shillong, Lber 30 : Kat kum ka Memorandum of Understanding (MoU) ba la ïasoi ha ka 29 tarik hapdeng u Myntri Rangbah ka Meghalaya u Conrad K Sangma, u Myntri Rangbah ka Assam u Himanta Biswa Sarma ba la ïadon lang u Myntri Kam Pohïing ka ri u Amit Shah halor ka jingpynbeit ïa u pud u sam ha ki hynriew tylli ki jaka kata Tarabari, Gizang Hahim, Boklapara, Khanapara-Pillangkata bad Ratachera kine harum ki long ki jaka ban neh ha Meghalaya bad ki ban leit sha ka Assam :
West Khasi Hills
Tarabari Area : Upper Tarabari/Walkam, Rangkhet, Thangkhola, Chingipal/Chiginde, Doini Charadonu, Dabolpara bad Balkam ka jaka ba heh 4.69 Sq.Km kin neh ha Meghalaya. Ka shnong Malang bad Salbari kin neh bad ka Assam. Tangba ka don ka jaka jongka Malang Salbari kaba ju don bad ka Meghalay kane kan dang neh hi bad ka Meghalaya.
Gizak Area : Na ka 13.53 Sq Km kaba la kam, ka Shnong Amagoan, Gohanimara haka jingheh kaba 2.90 Sq Km ki sah bad ka Meghalaya kaba sah 10.63 Sq Km kaba kynthup iaka Malsapara bad shiteng ka Gizang RF kin leit sha ka Assam ka jaka ba don ka Reserve Forest.
Hahim Area : Na ka 3.51 sq km kaba kam, 3.21 kan neh ha Meghalaya ba kynthup iaki shnong Rongthali, Ranighat, Athiabari, Thamnaguri/Sonakuri, Methaphuta/Umshiak, Maspara, Moipara, Malapara/Nalapara,Simrang/Umsaitwait bad Simrang/Salpara kin heh ha Meghalaya katba 0.30 Sq Km ba kynthup ia ka Thuthiapara/Thutia Bazar kin leit sha ka Assam. Ka shnong Lejadubi ruh kan neh hi bad ka Meghalaya.
Ri Bhoi District
Boklapara Area : Ka jaka ba la kam ka long 1.57 Sq Km bad ki ar tylli ki shnong ka Boklapara bad Hawla ka jaka ba heh 0.56 Km kin neh bad ka Meghalaya bad ki ar tylli pat ki shnong kum ka Jimrigoan bad Lyngkhung ka jaka ba heh 1.01 S1 Km kin leit sha k Assam.
Khanapara-Pillangkata Area: Na ka 2.29 Sq Km ba la kam, 0.50 SqKm kata shiteng na ka Maikhuli , Pillangkata bad jaka tih maw ha Borpathar kin neh bad ka Meghalaya. Ha Khanapara ïa ka jaka ba 0.08 Sq Km ba la mynur ha ka jingiakren kata naduh ASTC Transit Camp shaduh Police Out Post, Namghar, ki jaka ba sah ki nong Assam ha kawei ka shnong ha Khanapara haduh Dreamland Resort kaba long 0.03 Sq Km kin leit sha ka Assam. Kaba sah 0.05 Km kaba kynthup ïa ka Complex Brahmaputra Realtor Pvt Ltd kan neh bad ka Meghalaya. Ha kiwei ki jaka hapdeng ka ASTC Transit Camp shaduh Dreamland Resort u pud un long ka surok ba ïasoh shaduh G.S Orak. Ha Patharkuchi ki jaka ba sah da ki paid Garo bad kiweik i jaidbynriew kin neh bad ka Meghalaya. Ha Maikhuli, Muamari Beel kaba hajan ka madan ialehkai Maikhuli kan neh bad ka Assam bad U Lum Jingtep Maikhuli un neh bad ka Meghalaya.Ha kane ka jaka ka Meghalaya kan iohy 0.55 Sq Km bad ka Assam 1.74 Sq Km.
East Jaintia Hills
Ratacherra Area : Ma la 11.20 Sq. Km ka jaka ba la kam, ka Meghalaya ka ioh 6.42 Sq Km kata ka Malidor, Ratacherra bad Umperdit, katba ka Borail Wildlife Sanctuary kan ym don jingktah. Kaba sah 4.78 Sq Km jongka Baleswar Grant Revenue kan long ka bynta jongka Assam. U pud un long na ka wah Baleswar bad ia ka wah Baleswar bad jingkieng Malidor yn peit noh da ka Assam. Ka Assam ka la kular ruh ïa ka Meghalaya ba ïa kane ka wah yn ym shah ban tih kino kino ki mar pohkhyndew.