Shillong, Nailur 26 : U Myntri Rangbah ka jylla, Conrad K Sangma ha ka sngi Nyngkong u la ong ba ka jingïap ki sniang khun kam dei satia na ka jingpang sniang hynrei kadei namar ka jingjngai palat ka lynti ïaid ban pynpoi sha kane ka jylla.
Haba kren bad ki lad pathai khubor u Myntri Rangbah u la ong ba ka shim por haduh kumba lai sngi ai ka kali ba kit ïa kitei ki khun sniang ban poi sha ka jylla bad dei na kane ka daw ba don kiba ïap noh ha lynti.
“Haba kit da ki hajar hajar tylli ki sniang ki don beit ki jingïap bad dei na kane ka daw kine ki jia. Ka jingïap jong ki ruh kadei namar ba la jngai palat ym dei na ka jingpang,” u la bynrap biang.
Shuh shuh u la pyntip ruh haman ki jingjia ba ki ïoh jingtip baka don ka jingïap jong ki khun sniang mardor ki phah ban ai bujli noh.
