Ki Dorbar Shnong ki donkam ka jingmynjur na KHADC lada ki thmu ban aiti ïa ki jaka sha ka sorkar: Powell

Shillong, Rymphang 19: U Executive Member (EM) jong ka Khasi Hills Autonomous District Council (KHADC) u Bah Powell Sohkhlet u la ong ba ki Dorbar Shnong ki donkam ban ïoh ka jingmynjur na ka Council lyngba ka KHADC Land Act haba ki thmu ban aiti ïa ki jaka sha ka sorkar ne kino kino ki tnad.
Kane ka jingkren u Bah Powell Sohkhlet kadei ha ka kynta kylli jingkylli ha ka sngi ba-ar jong ka dorbar mang tyngka u snem 2026-2027.
Haba wanrah ka jingkylli da u MDC ka Laban-Mawprem u Bah Ricky Shullai u la ong ba hato ki dorbar shnong ki don ne em ia ka bor ban ai jaka sha ka sorkar ne kino kino ki tnad khlem da pat ioh ka jingmynjur na ka KHADC lyngba ka KHADC Land Act bad ka jubab na u EM ka long em ym lah.
Shuh shuh u Bah Ricky u la bynrap ka jingkylli ha la don ne em kiba la ujor, u Bah Powell u la ong, “kila don ki jingujor ïa ka jingbym bud ryntih ïa ka Act” u la ong bad bynrap ruh “Ki don ki Dorbar Shnong kiba ai jaka raid khlem da ïoh NoC na ka Council”.
U Bah Powell u la pynpaw ruh bay m shym la don ka kyndon ba kumno yn leh ïa kiba ai jaka khlem da ïoh jingbit na ka Council, hynrei ngi shu pan jingshai na ki dorbar shnong ki bym niewkor ïa kane ka Act.