Khyllem u post electric hapdeng surok GS-Road ba kheiñ ka tnat dieng kseh
![](https://mawphor.com/wp-content/uploads/2024/07/post-electrict.jpg-Copy.jpg)
Shillong, Naitung, 23: Ka leit ka wan jong ki kali ha ka sngi Baar ka la thud ha surokbah shillong-Guwahati namar ka jingkhyllem jong uwei u post electrict hadien ka jingshah ban ha ka tnat kaba kheiñ na u dieng kseh ha kane ka surok haneng ka CRPF Camp kaba dang hap hapoh u pud u sam jong ka Jaïaw Langsning.
Katkum ka jingtip ba la ïohlum la ïathuh ba kane ka la jia ha ka por kumba 5:30 baje mynstep.
Kat haduh ba la thoh ïa kane ka khubor ym shym la lah ban pynthikna la ka don neem kano kano ka jingjia basngewsih ïa ki nongleit nongwan lyngba kane ka surok.
Na ka jingban jong ka tnat dieng kseh ha u sainar elektrik uba la khyllem u don pat sa ar tylli ki post elektrik ba la siej hajuh ba la pynpur ïa ki sainar kiba la shu noh la kum ban khyllem noh.
Ki nongtrei jong ka Meghalaya Energy Corporation Limited (MeECL) kiba la ïoh jingtip halor kane ka jingjia ki la leit mar mar ban pynkynriah ïa ka tnat kaba la hap hapdeng surok bad kumjuh ruh ki la maramot noh marmar ïa ki sainar elektrik khnang ban pynthikna ka shnong Jaïaw Langsning kan ym shong dum ha kane ka sngi.