SHILLONG, Risaw 29: Ka lympung ïakop pyni dohksah kaba la tip da ka ‘49th State Body Builders Championships’ ba la pynlong da ka Meghalaya Body Builders Association ha ka 25 tarik Risaw 2025, ka la long kaba seisoh, ha kaba ïa ka nam Mr. Meghalaya la khur da u Vikash Chettri jong ka Assam Regiment Centre (EKH).
Kane ka lympung ba la pynlong ha Sri Aurobindo Institute of Indian Culture, Shillong, ka la sakhi haduh 82 ngut ki nongïashim bynta shynrang bad kynthei kiba na ki Gym bapher bapher ki la wan ban ïa pyni ïa la ki dohksah ha la ki jong ki kyrdan ba la phiah katkum ka jingkhia. Ha kane ka sngi la wan Kongsan da u Bah Marchynna Syiem, Chairman barim jong ka Meghalaya Co-operative Apex Bank Ltd.
ïa ka nam ‘Men’s Best Physique’ (Below 165 cm) la jop da u Raja Langstang (EJH) na ka RJ Fit Gym, bud sa u Gary N Massar (EKH) jong ka A-Zeal Gym bad u Kitboklang Thabah (EKH) jong ka Fitness Tribe.
Ha ka Men’s Best Physique (Above 165 cm) ïa ka kyrdan ba nyngkong la jop da u Allewy T Sangma (WGH) jong ka Lion’s Den, bud sa u Amar Nath Choudhary (EKH) na ka Power House bad u Donboklang Lyngdoh (EKH) na ka Muscle Up Gym ha ka kyrdan ba ar bad balai.
ïa ka nam Men’s Classic Physique la jop da u Allewy T Sangma (WGH) jong ka Lion’s Den, katba ka kyrdan ba ar bad balai ka la leit sha u Rajiv Dutta (Power House) bad u Gary N Massar (EKH) jong ka A-Zeal Gym.
Ha ka Men’s Master Body Building, la jop da u Bhism Raj Kanwar (Muscle Up Gym), bud sa u Suraj Saikia (Claudia Fitness Hub) bad u James G Momin (Musclesxcess & Fitness Gym).
Ha ka kyrdan Junior Men’s Body Building la rah da u Donboklang Lyngdoh (Muscle Up Gym), u Lenin Tourangbam (Galaxy Gym), bad u Riboklang Kurbah (Shape Up Gym).
Ha ka Women’s Best Physique ka Shano Chelsy Sangma (Lion’s Den) ka la wan ba nyngkong, bud sa ka Michel Syiemlieh (Musclesxcess Fitness Gym) bad ka Reemaka Kharumnuid (Power House Gym).
Kiwei pat ki nongjop ha ka Men’s Body Building kiba ha la ki jong ki kyrdan jingkhia ki long:
Haduh 55 kg: nongjop ki long u Ioanis Sangma (Urban Kinitil Gym), Badonbok Marwein (Hustle House Hub) bad u Riboklang Kurbah (Shape Up Gym).
Kiba naduh 55-60 kg: La jop da u Mayalang Pakam (Star Gym), Khrawbor Paliar (Fittorium Pro Fitness Gym) bad u Josaya Klein (Genfit).
Ha ka Men’s Body Building 60-65 KG kiba jop ki long: Kajal Paul (Gold Gym), Gary N Massar (A-Zeal Gym) bad u Sunny Sunar (Fitness First & Krypto Fit).
Ha ka 65-70 Kg ki nongjop ki long: Rajiv Dutta (Power House), Suraj Saikia (Claudia’s Fitness Gym) bad u James G Momin (Musclesxcess Fitness).
Ha ka kyrdan 70-75 KG ki nongjop ki long u Risaman I Tyngkan (Power House), Allewy T. Sangma (Lion’s Den Gym) bad u Bhism Raj Kanwar (Muscle Up Gym).
Ha ka kyrdan 75 KG shajrong ki nongjop ki long: u Vikash Chettri (Assam Regiment Centre), Vincent Kitboklang Mawlang (Flag Fitness First), u Donboklang Lyngdoh (Muscle Up Gym).
