Jowai, Naitung 10: Ka lyngpung ïalehkai phubol jong ka kyrdan 3rd Division 2025 League Stage, bala pynïaid da ka East Jaiñtia Hills District Football Association (EJHDFA), kaba la long mynta ka sngi 10 tarik ha madan Artificial Turf Diengshynrum, Khliehriat East Jaiñtia Hills District.
Haka jingïakhun kaba nyngkong ka Tongseng Youth SYSC kala jop da 2-0 kol ïa ka Wahsarang SC, ïa kitei ki kol na ka Tongseng Youth SYSC la thep marwei da u Esai Kyndoh haka minit ba 21 & 40.
Related Posts
Ha ka jingïakhun kaba ar kaba la long hapdeng ka Musniang Rim SC pyrshah ïa ka Moopala SC kila poi sha ka jingïakhaid da mar 2-2 kol. Ïa ki kol na ka Musniang Rim SC la thep da u Miki Siangshai haka minit ba 42 & 57. Ïa ki kol na ka Moopala SC la thep da u Treme mon Bamon haka minit ba 60 bad u Phrangki Shadap haka minit ba 77.
Katba haka jingïakhun kaba lai ka Pala SC kala jop da 1-0 kol ïa ka Nongsning Youth SC, ïa katei ka shikol naka Pala SC la thep da u Hame Salahe haka minit kaba 30.
La pyntip ba ka jingïakhun kan bteng biang lashai ka sngi 11 tarik ha ki lai tylli ki jingïakhun.