Shillong, Jymmang 27: Ka Nongdawah CC bad ka Friends United CC ki la khur jingjop ha ka lympung ïalehkai District Leagu T20 Cricket Tournament 2022 ba pynïaid da ka East Khasi Hills Cricket Association ha ki jingïakhun ha ka sngi Thohdieng.
Ka Nongdawah CC ka la khu jingjop da kaba pynliem da 7 wicket pyrshah ïa ka Pomshutia CC ha ka jingïakhun ba nyngkong. Ka Pomshutia CC kaba tied nyngkong ka kamai 100/10 ha ki 16 over. U Banshaniah Pohtam u kamai 29 (17) bad u Bhaboklang Nongpluh u khur 3/18 ha ki 4 over.
Ïa ka jingïalehkai la pynhiar noh sha ka 10 over na ka daw ka jingpynthut ki bor mariang, ha kaba ka Nongdawah ka donkam ban jop ïa ki 60 ron bad ka la kynjoh sha ka thong tang ha ki 6 over. u Bhaboklang Nongpluh u kamai 19 ron bad u Banshaniah Pohtam u ïoh 2 wicket.
Ka Friend United CC ka la pynliem da 98 ron ïa ka Laitjem CC kaba wan ban tied ba ar. Ka Friends United kaba tied nyngkong ka kamai 186/6 ha ki 20 over, u Kitdor Majaw u kamai 51 (43) bad u Ernestin Swer 42 (21) katba u Bikles Thawmuit u ïoh 1 wicket ha ki 3 over.
Ka Laitjem CC ka khlem kynjoh sha ka thong bad kamai tang 88/10 ha ki 14.3 over, u Mebanshan Kharsati u kamai 30 (18) katba u Larikupar Nongkynrih u khur 5 wicket ai kamai 16 ron ha ki 4 over na bynta ka Friends United CC
