Jowai, Ïaïong 13: Ka lympung ïalehkai phutbol ba la tip kum ka ‘2nd U Adelbert Laloo Memorial Trophy’ jong ka kyrdan 3rd Division Football Tournament 2022 ba la pynïaid da ka West Jaiñtia District Sports Association (WJDSA) kaba la long mynta ka sngi 13 tarik u Ïaïong ha madan Kiang Nangbha Stadium Jowai.
Ha ka jingïakhun ba nyngkong na ka liang ka kynhun ïalehkai jong ka Mukhla Umlangshor kala jop da 3-0 kol pyrshah ïa ka Chyrmang Wah bad ïa katei ki kol na ka Mukhla Umlangshor la theh da u Kitkhia Suna ha ka minit ba 26, u Ovenson Symblai haka minit ba 65 bad u Damihbiang Shylla ha ka minit ba 71.
Ka jingïakhun ba ar kala long hapdeng ka ka Mynso Blazon pyrshah ïa ka Mookynphad Mihmyntdu, na ka liang ka kynhun ïalehkai jong ka Mookynphad kala jop da 5-1 kol, ki rangïalehkai jong ka Mookynphad kiba la theh kol ki long u Arwan Rymbai ha ka minit ba 22, 60 & 70, u Wailad Shylla ha ka minit ba 63 bad u Happening ha ka minit ba 66.
Katba ha ka jingïakhun kaba lai bala wan ban aireng hapdeng ka Newhills pyrshah ïa ka Mookaswan Dongwah, ka Newhills ka la jop da 2-0 kol bad ïa kitei ki kol la theh da u Rguel Dkhar ha ka minit ba 59 bad u Odame Lyngdoh ha ka minit ba 60.
Ka jingïakhun lashai ka sngi 14 tarik kan long hapdeng ka Mulang Ialong pyrshah ïa ka Loompyrdi Iongpiah ha ka por 11 baje mynstep, ka Ksehsylle Ialong pyrshah ïa ka Samaro FC ha ka por 1 baje nohphai sngi bad ka Lumchyrmang Mihmyntdu pyrshah ïa ka Riatsaliya Mihmyntdu haka por 3 baje janmiet.
