Shillong, Ïaïong 21: Ka East Garo Hills bad South West Khasi Hills kila khur jingjop ha ki jingïakhun ha ka sngi Palei jong ka lympung ïalehkai Inter District U-19 Boys Cricket Tournament ba pynïaid da ka Meghalaya Cricket Association (MCA). U Gulgul Sangma jong ka EGH u khur marwei san wicket ha kane ka jingïalehkai .
Haba phai sha ka Zone 1 na ka Group B, ka SWKH ka ïakhun pyrshah ïa ka East Jaintia Hills, katba ha ka Zone 2 ka North Garo Hills pyrshah ïa ka EGH.
Haba phai sha ka jingïakhun ha Tura, ka NGH kaba tied nyngkong ka khlem lah ban kamai ron bha ha kaba u Gulgul uba khur ruh ïa ka khusnam player of the match u la khur 6/3 wicket ha ki 3.5 over. Katba u Bilgrak G Sangma u khur 3/14
Ka NGH kala shah pynhap lut baroh ki wicket da kaba kamai tang 40 ron ha ki 14.5 over, hynrei ka EGH kala laha ban kynjoh sha ka thong tang ha ki 14.4 over, da kaba duh noh san wicket.
Haba phai sha ka jingïakhun ha Jowai, ka EJH kala kam ban tied nyngkng hyneri kala shah pynhap lut ki wicket da kaba kamai tang 95 ha ki 28.2 over. U Nishikania Sinha u la ïarap kamai 37 ron. U Wilson Nongrum u khur ïa ka khusnam player of the match da kaba khur 4/15, katba u Iainehskhem Lyngkhoi (2/13) bad u James Clifford Shylla (2/20).
Ka SWKH ka duh noh lai wicket hynrei kala khur ïa ka jingjop tang ha ki 16.5 over.
