Khring ka ïew nongrep bad ka Mei Ramew cafe ha Mawstep ïa ki nongwan jngohkai pyrthei

Shillong, Rymphang 28 : Ka Mawstep Primary Agroecology Cooperative Society, da ka jingïatrei lang bad ka North East Society for Agroecology Support (NESFAS) ha ryngkat ka jingkyrshan jong ka LIC HFL CSR, ka la pynlong ïa ka prokram kyrpang kata “ Ka jingrakhe ïa ka bam ka dih ka rep ka riang tynrai na bynta ban kyrshan ïa ka ïoh ka kot kaba ïadei dur bad ka mei mariang” ha ka 25tarik Rymphang 2026 ha Mawstep, East Khasi Hills.
Kane ka jingrakhe ka dei kawei na ki ban pyni ïa ka jingjop halor ba lah dep ban pyntyllun ïa ka project kyrpang ba pyntreikam ka NESFAS bad ba la kyshan da ka LIC HFL.
Ki bynta ba kongsan jong ka program kadei ka jing plie pyrda ïa ka ka ïew ki nongrep bad ïa ka Mei-Ramew cafe jong ka shnong Mawstep. Ka jingthmu kadei kumno ban pynkhlaiñ ïa ka lad kamai lyngba ka ïew kaba lah ban ïoh ïa ki mar tynrai ba na shnong bad ban kyntïew ïa ki para nongrep hapoh ka kyrteng jong ka Mei Ramew.
Ka jingrakhe ka wanrah lang ïa ki shnong bad ki seng treikam bapher bapher, bad la pynshngain kum u Kongsan da u Bah Mark Andrew Challam, SDO jong ka Civil Sub-Division Sohra.
Ha kaba ïadei bad ka LIC HFL CSR ka jingthmu jong ka ka long ban wanrah ïa ka roi ka par ka ba ïai neh bad pynbha ïa ka ïoh ka kot, bad kane ka projek ka pynleit jingmut ba kumno ban wanrah ïa ka ïoh ka kot kaba ïadei dur bad ka mei mariang bad ka thynmei ban kyntïew ïa ka bam ka dih ka rep ka riang tynrai. Kum shibynta ban wanrah ïa ki lad ïohkam ïohjam hapdeng ki khynnah samla kane ka projek ka pynkup bor ïa ki khynnah samla lyngka ki training bapher bapher kum ka jing ai jinghikai halor kumno ban kyntïew ïa ki kam jngoh kai ïa ki khynnah samla, ban pynbha bad kyntïew ïa ka rukom buh symbai, ban pynïaid ïew ïa ka ngap,ban pynbha ïa ka jingbam sngi ki khynnah da ka ba pynïaid da ki jhur jong ki para nongrep khnang ba ki para nongrep kin ïoh lad kamai bad kyntïew ïa ka rukom rep.
Ka prokram ka sdang da ka jingkren tien pdiang na u Bah Betsing Rynjah, Rangbah shnong Mawstep, kaba ha ka jing kren u la pynkynmaw ïa jing jingthmu jong kane ka jingrakhe bad ruh ba lyngba ka ne ka program kan dang ai jingmut shuh shuh kumno ban kyntïew ïa ki kam ki ba ngi trei da ka ba ai khublei ruh ïa ka LIC ka ba kyrshan ïa ki kam lyngba ka NESFAS.
Na ka liang u Bah Pius Ranee, Executive Director, jong ka NESFAS, ha ki kyntien lamphang u la kren shaphang ka jingwad kam jong ki khynnah samla na shnong sha ki jaka sor bad kumno ban ai ka lad kamai ïa ki samla ban khring ïa ki lyngba ka jingstad tynrai bad kumno ba ka spah mariang ka dei ka lad kamai lyngba ka Mei Ramew Cafe. Nangta ban pynbha ïa ka jingbam sngi ki khynnah da ka ba shim ïa ki jhur na ki para nongrep bad sh ibynta na kane ki para nongrep ki lah ïoh ka lad kamai, ki buit thymmai ban pynbha ïa ka rukom bam, ka business plan ne ban thaw ka lad kamai ba lah leh da ka Co-operative society ha ki shnong, ka jingai jinghikai bapher bapher kum ka jing ai jinghikai halor kumno ban kyntïew ïa ki kam jngoh kai ïa ki khynnah samla bad shibun ki kam lad kamai ka ba ïadei dur bad ka spah mariang.
Katba i Kong Stialinda Khasain, iwei na ki dkhot jong ka Nongwah Cooperative society i lah pyni i aka jingsngew jong i halor ki kam ba pyntyllun lyngba ka LIC project da ka ba ong “Ngi lah shna ïa ka business plan ïa ka cooperative society SHG bad kiwei kiwei. Ka jingdon ka nursery ka lah ïarap shibun eh bad lyngba kane ngi lah ïoh ban pynbha ïa ki jaka ba la syllen bad ngi ïoh ruh ïa ka lyer ba khuid bad tyllong um ba khuid. Ngi lah don lypa ka business plan na bynta ban kyntïew ïa ka ïoh ka kot tangba ngim shim la ïoh lad ban pyntyllun ïa ki hynrei lyngba ka LIC kane ka plan kalah urlong.
Shuh shuh la ong ba lyngba ka LIC project ki la ïoh ruh ka jingmyntoi naka bynta ki nongri ngap kumno ban pynroi ïa ki symbai tynrai bad ki longiing kiba duk ruh kilah ïoh jingmyntoi nabari sniang bad ha shnong ki ïoh jing ïarap dakaba don ïa ka jaka ban long kumka jaka pynlang ïa ki soh, jhur khnang ban ïoh pynïaid ïew.
“Ka cooperative ruh ka lah ïatrei shit rhem nabynta ban rep khlem dawai. Ka Nongwah kalah sngewkmen shibun ba kalah ïoh ban plie ruh ïa ka Mei-Ramew cafe kaban kyrshan ïa ka Cooperative, bad ka farmers market ba ki para nongrep ki la lah ban kyntïew hi ïa ka shnong baroh kawei.”
Hadien kane lah bud sa ka jingshimbynta jong ka Nongwah Government LP School ki ba pyni ïa ka jongshad jong ki halor ki jhur tynrai ba ïoh na ki shnong.
Na ka liang u Bah Nestar kharmawphlang ba dei i Chairperson jong ka NESFAS u la bynrap ba ka jingdonlang jong u bad ka NESFAS u la sakhi ïa ki kam ba bha naka bynta ka mariang ba ka NESFAS ka lah leh ka ba long ka jingkieng ka ba pynïasoh ïa ki shnong bad ka sorkar.
Hadien kane la ïoh ïa ka pynkup burom ïa ki nongri ngap, ka skul ba trei bha haba ïadei bad ka school meal ne bam ja sngi bad kumjuh ka khusnam nabynta ki kynhun co-operative na ki shnong bad ruh ïa ka phawar lyngkot na ka Pyrda Primary Agroecology Co-operative Society.
Ha kane ka sngi na ka liang u Kongsan, Bah Mark Challam u la kren shaphang ka bam tynrai kaba long ka tynrai ka riti dustur jong ka Jaidbynrïew bad la bynrap ruh ha kaba iadei bad ka jingkylla ka mariang bad kumno ban phai sha ka tynrai kaba lah ban ialeh pyrshah ïa kane ka jingkylla. “Ka jingtrei jong ka NESFAS kadei kawei kaba lah ban wanrah ïa ka jingkylla lyngba ka spah mariang,” u la ong.
Shuh shuh u la ong ba ha ki thaiñ sohra kaba ka kam jngoh kai ka lah jur bha bad ka rukom bam tynrai kadei na kawei na ki bynta ba lah ban wanrah bad kyntïew ia ka kam jngoh kai. “Ka jingpynkup burom ïa ki shnong ka dei ka thong ba ngin kynjoh bad pyniar shuh shuh ia ki kam sha ki shnong”.
Hadien kane la ïoh ïa ka jingai khublei ia baroh ki nongiashim bynta da i Deputy Director kata i kong Alethea Kordor Lyngdoh.
Hadien ka prokram kyrpang la plie pyrda ia ka Mei-Ramew cafe bad ka ïew nongrep jong ka Mawstep Primary Agroecology Co-operative Society da u kongsan.