Jowai, Jylliew 16: Ka West Jaiñtia District Sports Association (WJDSA) kala pyntip ba la khot Tender haki jaka ba dang duna ki kynhun ïalehkai kata haka kyrdan Super Division, 1st & 2nd Division.
Na ka bynta ka kyrdan Super Division ki don ar tylli ki jaka ba dang duna ki kynhun, ïa kane lah ban thep tang na ka bynta kiba don mynta ha ka kyrdan 1st Division, ka Reserved Prize kan long T.30 hajar tyngka shaneng, kiba wan thep haka dor kaba heh kin ïoh rung ha kane ka jaka ba dang duna.
Ka tarik ban plie Tender kan long haka 21.06.2025 naduh ka por 11 waje mynstep ha ophis ka WJDSA kaba don ha Kiang Nangbah Indoor Hall, kiba ïoh ïaka tender kin hap siew ha katei ka juh hi ka sngi.
Ha ka kyrdan 1st Division ka long naka bynta ki 4 tylli ki jaka ba dang duna, ïa kane yn leh kumjuh hi. Katba ka reserved prize ka long T.25 hajar shaneng, ka tarik ba khadduh kan long haka 28.06.2025 naduh ka por 11 baje mynstep ryngkat bad ka jingsiew.
Na ka bynta ka kyrdan 2nd Division kaba duna 4 tylli ki jaka, ka reserved prize ka long T.15 hajar shaneng, ka tarik ba khadduh ban pynpoi ka long haka 7.7.2025 naduh ka por 11 mynstep. Ïa ka Tender Form lah ban ïoh na u Hony. General Secretary WJDSA ha ka dor 200 tyngka kawei.
La pyntip ruh ïaka 1st Window Inter Club Transfer kan sdang naduh ka 17.06.2025 haduh ka 10.07.2025, da kaba pynpoi sha u General Secretary kiba wan hadien jong katei ka por bala buh ym lah shuh ban pdiang ïa ki.
Ha ka juh ka por ka WJDSA ka pyntip sha baroh ki Affiliated Club ba ka Association kam pat ïoh lad ban pynlong ïa ka jingïalang kut snem, hynrei ka Association kan ïaleh katba lah ban wat ki lad ki lynti ban pynkloi ïa kane ka jingïalang kut snem, la kyrpad ïa ki Auditor ba kin pynkloi ban pyndep ïa ki kam hashwa ban pynlong ïa ka jingïalang.
Ban lait na kino kino ki jingthut haki Tournament bapher bapher bad ki kam ka Association, ka seng kala ïaid beit shakhmat ban pynïaid ïa ki kam kiba dei ban leh, khnang ban suk kiba shimti thymmai ïaka kam. La pynkut ka kyrwoh na u Lammat oo Laloo uba dei u Hony. General Secretary ka WJDSA.
