Mawkyrwat, Jymmang 03: Ka United Hotspring Umjaraiñ Sports Club (UHSUSC) mynta ka kynti ka khot sngewbha ïa ki kynhun ïalehkai kynjatbol ba kin wan ïashimbynta biang sa shisien ha ka 4th Invitation Football Tournament 2022 ka ban sa long ha madan Ja-jiar, Umjaraiñ, South West Khasi Hills District.
Na ka liang ki nongpynïaid ki la bthah ba ha kane ka lympung, ki nongïalehkai kin long tang 9 ngut bad ka bai rung kan long T. 2200/- shi kynhun. Yn pdiang tang 32 tylli ki kynhun. Kino kino kiba kwah ban wan ïa shimbynta kin ai jingtip shwa ka 10 tarik u Jymmang, 2022.
