Jowai, Naiwieng : Ki bor pynïaid District ka West Jaiñtia Hills ha ka jingpynmih khubor paidbah kila kyrpad ïa kino kino ki nongshong shnong la ki dei ki riew shimet ne ki kynhun ne ki Waheh Shnong kiba kwah ban ai sakhi halor ka jingjia shahsiat ïap ki 5 ngut kaba la jia ha ka 22 tarik mynta u bnai ha shnong Mukroh, ki lah ban wanmih sha ophis u Deputy Commissioner, West Jaiñtia Hills, Jowai.
Kiba don jingmut ki lah ban ïakynduh ïa u Additional District Magistrate ka West Jaiñtia Hills District u Shri. P.Kr Boro, MCS, ha ka kamra ba 120 (mala ba nyngkong) naduh ka 25.11.2022 haduh ka 01.12.2022 ha ka por ba long trei ophis.
