Jowai, Jymmang 29: Ka West Jaiñtia District Sports Association (WJDSA) lyngba u Hony. General Secretary ma Lammat-oo Laloo la pyntip ba ka Association ka khot ïa ki kynhun na ka bynta ka jingïalehkai ba la tip kum ka ‘5th U Debo Shullai Memorial Trophy’, 2nd Division Football League Tournament-2022.
La pyntip ruh ba ïa ka bai Entry kan long ha ka dor 2000 tyngka bad 30 tyngka na ka bynta uwei u rangïalehkai player bad kim dei ban duna ïa ka 20 ngut ne palat ïa ka 25 ngut.
Ka tarik ba khadduh ban pynpoi ïa ka bai rung Entry kan long ha ka 12.06.2022 hapoh ka por 2 baje nohphai sngi ha u Hony. General Secretary ka West Jaiñtia District Sports Association, kiba wan hadien katei ka tarik ba la buh yn ym lah ban pdiang shuh ïa ki.
