Jowai, Ïaïong 17: Ka seng ki nonghikai hapoh ka lama jong ka Federation of All School Teachers of Meghalaya (FASTOM), kaba kynthup ïa ki Lower Primary (LP), Upper Primary (UP), Secondary bad Higher Secondary jong ki ar tylli ki District ka West bad East Jaiñtia Hills ha kane ka sngi saitjaiñ kila pynlong da ka jingïakynduh lang ha Tympang Club, Iawmusiang Jowai.Ka jingthmu jong kane ka jingïalang ka long shi bynta ban pynkhreh ïa ka jingïaid rally ba jai jai ka ban long ha kane ka 22 tarik mynta u bnai Ïaïong, 2022 ha nongbah Shillong, kane ka rally ka long shi bynta ban dawa na ka sorkar halor ki mat jingdawa ban pynkiew kyrdan noh ïa baroh ki nonghikai Adhoc School hapoh ka jylla .
Na ka liang u Spokeperson ka FASTOM bah Mayborn Lyngdoh haba kren sha ki lad pathai khubor ula khot lang ïa baroh ki para nonghikai kumjuh ki kynnah skul ba rim (Ex-Student) ba kin wan sha kane ka rally bah da ka’ jingtip Briew tip Blei’ ym da kaba buaid tang lang, khnang ba katei ka jingthmu kan long kaba jop.
