Khot ka DCPO ïa kiba don jingïadei bad ki khyllung ba ïoh tam ban wan shimti ïa i

Jowai, Jylliew 23: Ka office jong u District Child Protection Officer (DCPO), District Child Protection Unit, West Jaiñtia Hills District, Jowai ka la pyntip paidbah ba ha ka 22 tarik June 2023 la lap ïa iwei i khyllung kynthei ba la shah bret noh ha ki briew ki bym ithuh harud ka surok ha Krem Shohnoh, Mukhla, hajan Ummulong CHC haka por 3:40 pm bad la ïoh tam ïa itei i khyllung da ki briew bad mynta i don hapoh ka jingpeit jingkhmih jong ka office jong ka District Child Protection Unit bad Child Welfare Committee, West Jaiñtia Hills District.
Kumta na ka ophis jong u DCPO, ula pyntip ba kino kino ki briew lane kiba haïing hasem kiba don ka jingtip ne kiba don ka jingïadei bad ine i khyllung ki lah ban pyntip sha ka ophis jong ka District Child Protection Unit, Jowai lyngba ka phone No. 9774878343 lane sha ka Child Welfare Committee, Jowai Ph.No.9436566556 lane sha ka Specialized Adoption Agency, Jowai Ph.No.6009972453 bad ba kin wan mih bad ban shimti noh ïa ine i khyllung hapoh ka 60 sngi.
Lada ym don kiba wan shimti ïa ine i khyllung hapoh kitei ka sngi ba la buh, ïa ine i khyllung yn pynbna katkum ka aiñ ba yn lah ban shah tingkhun noh ïa i.