Shillong, Naitung 05:Ka Go Green Meghalaya Foundation (GGMF) mynta ka sngi ka la rai ban leit sha u paidbah ka jylla na bynta ban ïoh ka jingïatreilang na bynta ban wanrah biang ïa ka mariang kaba tap da ki khlaw ba jyrngam ha ka jylla bad ban sop ban spaiñ biang ïa ka jingjot kaba u khun bynriew u la leh ïa ka mei mariang.
Haba kren sha ki lad pathai khubor u President ka GGMF u Bah William Kliff Khongsit u la ïathuh ba dei hadien ba kum ki nongshong shnong ka jylla kiba don ïa ka jingkit khlieh ïa ka bit ka biang jong ka mei mariang kaba pynlong ïa ki ban sdang ïa kane ka kynhun ha u snem 2018. Shuh shuh na ka liang jong ki ki la pan ïa ka jingïatreilang na ka sorkar bad ka KHADC khnang ba kin lah ban maramot biang ïa ka jingjot kaba ngi la leh ïa ka mei mariang
