Shillong, Naiwieng, 10: U Myntri ka Sorkar Jylla uba khmih ïa ka tnat Kam Pohïing u Bah Lamkmen Rymbui u la khot ïakren ïa ki nongïalam jong ka Khasi Jaiñtia Deficit School Teachers Association (KJDSTA) ha ka sngi Balang mynta ka taïew ha ka por 1:30 baje noh sngi.
U kyrwoh ba la phah da u Adviser jong ka KJDSTA Babu Kular Khongjirem u la ïathuh ka jingkhot ïakren jong u Myntri ka tnat Pule Puthi ka long ban ïakren bad ban ïamir jingmut halor ki jingeh ba la mad da ki nonghikai skul Deficit jong ka jylla na ka por sha ka por.
Kane kan long ruh ka sien kaba nyngkong eh ba ka KJDSTA kan leit ïakren bad ka Sorkar halor ki mat ki jura kiba ïadei bad ki nonghikai skul Deficit hadien ba la pynskhem ïa ki nongïalam ba thymmai jong ka dang shen.
