Jowai, Nailar 05: Ka Seiñ Raij Ïalong ka khot ka wer ïa baroh ki khun ka bri u Hynñiewtrep u Hynñiewskul ba kin wan sakhi ïa ka lehñiam Behdieñkhlam mynta u snem, la ïathuh da u President ka Sein Raij Ialong ba ka ñiam ka rukom kan sdang naduh ka 2 tarik u Nailar bad pynkut haka 10 tarik u Nailar, 2023.
Ïa kane ka lehñiam la ju leh manla u snem kum ka dak ban ainguh ïa u Tre-Kirot ba un ai ha u khun bynriew ïa ka jingkoit jingkhiah ban un thep ïa ki jingkyrkhu kyrdoh ha kiba ba bun ki liang.
Ha ka pynkut ïa ka Behdeiñkhlam yn wan ban sakhi naduh u synbud Myntri Rangbah ka jylla u ma Sniawbhalang Dhar, u local MLA ma Wailadmiki Shylla, u ma Damanbait Lamare MLA ka Umroi nalor kiwei kiwei de.
Na ka liang ki lai tylli ki shnong kiba hap hapoh ka ‘Seiñ Raij Ïalong’ kiba kynthup ïa ka Wahiajer, Ïalong bad ka Nongkhyllep kin wanrap ïa ki rong ki rup (rot) haka jaka ba la khot ka Tre-Pyrda (Aitnar).
