Jowai, Nailur 09: U Deputy Commissioner (Supply), West Jaiñtia Hills District, Jowai u khot aplikeshon na ka bynta ka kam dilar ban pynpoi ïa u khaw sorkar ne kiwei de ki mar rashon hapoh ka Public Distribution System (PDS) na ka bynta u snem 2023-2024 lyngba ki Wholesale ba la ithuh da ka sorkar ba don ha Jowai, Ummulong, Nartiang, Shangpung bad ha Sahsniang.
Ïa ki aplikeshon kat kum ka Annexure-XII jong ka Meghalaya Food Grain (PDS) Control Order, 2022 bad ïa ki jingtip ba bniah lah ban ïoh na ophis u Deputy Commissioner (Supply) West Jaiñtia Hills.
Ka tarik ba khadduh ban pynpoi ïa ki aplikeshon kan long ha lane shwa ka 20th September, 2022.
Ka sorkar kan kham pyrkhat kyrpang ïa ki Co-operative Societies, NGOs, Self Help Groups, lada ki long kiba lah ïa kane ka kam (dealership).
