Jowai, Risaw, 08: Ka National People Party (NPP) West Jaiñtia Hills District, ha ka sngi Baar ka la pyllait ïa ki Application (First List) na kino kino kiba kwah ban long ki kyrtong na ka bynta ka election MDC jong ka Jaiñtia Hills Autonomous District Council (JHADC) ka ban sa long.
Ha kane ka jingïalang la don ryngkat bad u MLA jong ka Jowai Constituency u Wailad Shylla, u dkhot ka State Executive Committee u Bah Gilbert Sten member, u General Secretary jong ka NPP u Bah Donbok Kharjana bad kiwei kiwei.
Ïa ki application la pyllait naduh mynta ka sngi bad kan kut haduh 31 tarik mynta u bnai ha kaba lah ban ïoh na ka ophis treikam jong ka NPP kaba don ha Ladthalaboh, Jowai naduh ka por 10:00 baje mynstep haduh 5:00 baje janmiet.
