Shillong, Jymmang 11 : Ka Ministry of Home Affairs jongka sorkar pdeng ka la thaw ïa ka khusnam Jeevan Raksha Padak Series of Award 2022 na ka bynta ban ai khusnam ïa kito ki riew shlur kiba pyllait im ïa ki briew na ka jingiap jyllop, aksident, pluh ding, shah bat bording elektrik, twa khyndew, shah hiar thma ha ki mrad,khyllem ka krem tih marpoh khyndew bad ter ter.
ïa kane ka khusnam la phiah ha ki lai bynta ka Sarvottam Jeevan Raksha Padak, ka Uttam Jeevan Raksha Padak bad ka Jeevan Raksha Padak. Kino kino kiba la leh ïa kitei ki kam shlur bad kwah ban ïoh ïa kane ka khusnam ki lah ban phah jingthoh sha ka ophis jongka Deputy Commissioner East Khasi Hills Hills.
