Shillong, Nailur 25 : Ka sorkar jylla ka khlem thep ïa ka pisa kaba 0.79 klur tyngka sha ka National Securities Depository Limited (NSDL).
“Kat haduh u Lber 2021 ka sorkar ka khlem thep ïa ka pisa ba 0-79 klur sha ka NSDL. Kat kum ki kyndon ka sorkar jylla ka hap ban siew ïa ka sut halor katei ka pisa ba khlem thep sha ka NSDL” ong ka kaiphod CAG.
Kat haduh u Lber 31 tarik 2020 ki don 13,242 ngut ki nongtrei kam sorkar kiba hap hapoh ka National Pension Scheme bad na kine 12,776 ki dei kiba la ïoh da ka Permanent Retirement Acccount Number (PRAN).
Ka NPS ka treikam ïa baroh kito ki nongtrei sorkar kiba dang rung kam ha lane shwa ka 1 tarik ïaiong 2010.
Kat kum kane ka skhim ki nongtrei ki siew 10 % na ka Basic Pay bad DA jongki bad kumjuh ruh na ka liang ka sorkar. Dei halor kane ba ka sorkar ka dei ban thep ïaka pisa sha ka NSDL ne Trustee Bank kat kum ki kyndon ka NPS. Ka don ruh ka jingkiew ha ka jingsiew ïa ka bai bam nongtymmen da 62.05 klur kaba mut haduh 5.48% ban ïa u snem ba la dep.
