Shillong, Nailar 04 : Ka Mawlai SC bad ka Nangkiew Irat SC ki khlem ïoh ban ïalehkai ha ka sngi Palei ha ka lympung OC Blue Shillong Premier League (SPL) 2021-22 na ka daw ka jingjur u slap kaba la pynlang um ïa ka madan Third Ground, Polo, Shillong.
Ïa ka tarik ban pynïalehkai ïa kitie ki ar tylli ki team na ka liang ka Shillong Sports Association, kaba dei ka nongpynïaid jong ka OC Blue SPL kan sa pyntip pat hadien.
Ka jingïalehkai mynta ka sngi Thohdieng ha ka por 4 baje janmiet kan long hapdeng ka Ryntih SC kaba don ha ka kyrdan ba saw kaba khur 11 point pyrshah ïa ka Mawkhar SC kaba don shatrai duh da kaba ïoh 2 point.
