Nongstoiñ, Jylliew 6: Ki nongïalam ka seng Hynñiewtrep Youths’ Council West Khasi Hills bad Ri-Muliang Circle, ki la pynpaw ka jingbitar jur halor ka jingwan mushlia jong ki pulit Assam bad kem ïa ki nongïalam shnong jong ka shnong Salbari, ba kynthup ïa u Sordar shnong u Karbin Sangma bad Secretary Shnong u Pairush Marak bad ïa saw ngut ki dkhot Executive Committee jong ka shnong kaba la jia hynnin ka step sngi u Blei ha ka por 11:30.
Kitei ki pulit Assam ha kaba nyngkong ki la wan hapoh shnong da ka bthah ïa ki nongïalam shnong ba kin wan ba soi ïa ki kot donkam hapoh police station Boko. Hynrei haba kitei ki nongïalam ki la poi ka long da khongpong, ha kaba ki pulit Assam ki la set pynban ha patok hynnin ka sngi. La ïoh jingtip ruh ba hynne ka step la kit noh ïa kitei ki nongïalam shnong sha Guwahati.
Na ka liang ka seng ka dawa na ka Sorkar lyngba Chief Minister u Conrad Konkal Sangma ba u dei tuklar mardor halor kane ka jia, ba ka sorkar Assam ka dei ban pyllait noh ïa kitei ki nongïalam shnong. Lym kumta ka seng kan sa shim da kiwei ki lad jingïakhih, ong u samla Redyfernandy Sun Organising Secretary HYC WKHD.
