Nongpoh, Risaw, 14: U Deputy Commissioner ka Ri-Bhoi District u Abhilash Baranwal u la pyntip ba ka tnad Fisheries ka khlem ai bor ïa uno uno u briew ne ki kynhun ban khrong pisa ne khajna na ki kali kit dohkha kiba wan nabar ka jylla.
Kane ka ka jingpyntip ka wan ruh hadien ba kila don ki briew kiba khrong pisa naki kali kit dohkha bad naka liang u DC u la maham ba kane ka jingkhrong pisa ka dei kaba beaiñ bad kyrpad ïaki paidbah, ki nongkhaii ba kin long kiba peitngor.
U la pyntip ruh ba kano kano ka jingkhrong pisa khlem ka jingtip jong ka bor district ka long kaba beaiñ bad la kyrpad ruh ba lada don kino kino kiba khrong pisa naki kali kit dohkha ki dei ban pyntip sha ki bor ba dei peit khnang ba yn ioh ban leh ïa kaba donkam.
