Nongpoh, Jylliew 17: Uwei nongshong ba nadien jong ka Scooty u la khlad noh ha shen bad u nongniah katei ka Scooty u la mynsaw, kaba dei hadien ba kawei ka Trok ka la wan ban tynrah kynsan katba ki dang thmu ban phai ïa ka Scooty na na u Divider uba don ha ka shnong Dulongnar ba hap ha ka surok NH-6 ha Ri Bhoi District.
Kane ka jingjia ka la jia hynnin ka miet ha ka por 10.20 pm ha Dulongnar, ha kaba la pyntip ba kitei ki ar ngut shi paralok ki dang wan na ka Scooty na ka thain Mawtnum bad ki thmu ban wan phai biang sha Mawtnum, hynrei katba ki dang thmu ban phai ïa ka Scooty ha ka U-turn ka trok ka la tynrah kynsan ïa katei ka scooty ba u nongshon nadien (Pillion)u la ïap noh ha shen bad utei u nongniah Scooty u la mynsaw.
Katei ka Scooty ka don ïa u number AS 17 F – 1024 ba la niah da u Bashemphang Swer (25) ryngkat bad u Stephan Raji (33) ba shong nadien bad uba la duh noh ïa ka la jingim bad katei ka trok pat ka don ïa u number ML 05 G – 5662 ha kaba u driver hadien katei ka jingjia u la phet rieh noh ïa lade.
Katkum ka tyllong khubor ba la ioh lum da u Nongthoh Khubor, la ong ba na ka liang ki pulit ki dang pynlong ïa kajingtohkti kaba bniah halor kane ka jingjia bad ïa ïa utei u samla ba la khlad noh la pyndep ban leh ïa ka postmortem examination kaba dei katkum ka kyndon aiñ.
