Khlad u heprit ba rung ka baisikil shapoh khrup ka trok pick-up hajan Mahari Petrol Pump

Shillong Iaiong 7: Uwei u heprit uba la don kumba 12 snem ka rta ba na Dymmiew Mawprem, ula khlad haba ka baisikil ba ula niah, kala leit tynrah bad rung shapoh khrum jong ka kali hajan Mahari Petrol Pump, Jaiaw Langsning.
Katkum ka khubor ba ïohlum, la ïathuh ba kane ka jingjia kala jia ha ka por ba ka kane ka kali Tata Pick Up ka dang mut rung shapoh petrol pump. La ïathuh ba une u heprit uba niah baisikil ula leit tynrah bad rung syndon hapoh khrum jong kane ka kali bad ula shah ïuh ha ka shaka kaba shadien.
Ki bahaïing bahasem ryngkat bad ki pulit kila pynkit noh mardor ïa une u heprit sha hospital ban ïoh ïa ka jingsumar hynrei la ïoh jingtip ba une u heprit ula khlad noh.