Nongstoiñ, Ïaiong 06: Ka West Khasi Students Union sengkmie ka la phah ïa u kyrwoh sngew lem sha kiba haïing hasem jong u samla Malcolm Pariong, u samla rangbah u ba la khlad kyndit noh ha ka 5 tarik mynta u bnai.
U samla Malcolm Pariong u dei u nongïalam barim jong ka seng West Khasi Students Union u ba bat ïa ka kam kum u General Secretary sengkmie ha kine ki snem kiba la leit noh, kata naduh ba u la pynïasoh bad ka seng ha ka 24 tarik Jylliew 2020.
“Ka seng dap da ka jingsngew duhnong kaba khraw kum u nongïalam ba radbah jong ka seng hapdeng ki khlieh snem ba u la ïa trei bad ka kynhun na ka bynta ki jingbit jingbiang ki samla pule ha ka thaiñ lyngba kiba bun ki mat ki jura. Ka seng ka phah u kyrwoh ba to u Blei ka jingsuk un pyntngen ïa ka ïing ka sem ki kur ki kha baroh”, ong ka kyrwoh na u samla D. Sun President rangbah jong ka seng.
