Khlad noh u Bah Banshanlang Kharbyngar u referee pynïaid ïalehkai phutbol

Shillong, Nailur 23 : U Bah Banshanlang Kharbyngar u referee pynïaid ïalehkai phutbol u la khlad noh na kane ka sla pyrthei ha ka step jong ka sngi Thohdieng (23-09-202) hadien ka jingpang kaba la bat ïa u katto katne por.
Katkum ki tyllong khubor la ïathuh ba u Bah Banshanlang Kharbyngar u la khlad noh na ka jingpang shadem. U Bah Kharbyngar udei ruh u referee jong ka Shillong Referee Association. Ka jingkhlad noh u Bah Kharbyngar ka long ka jingduh kaba khraw ym tang ïa ka ïing ka sem hynrei ïa ka phutbol hapoh ka jylla Meghalaya hi baroh kawei.
Halor ka jingkhlad noh u Bah Banshanlang Kharbyngar na ka liang ka Meghalaya Football Association (MFA) ka pynpaw ka jingsngewsih bad phah ka khubor sngewlem sha kiba haïing hasem bad sha kiba ieit ba thoiñ.
“Ka jingkhlad noh u Bah Banshanlang Kharbyngar ka la long ka jingduh kaba khraw ym tang ïa ka ïing ka sem jong u hynrei ïa ka phutbol hapoh ka jylla hi baroh kawei. Ngi phah ka jingsngewlem sha kiba haïing hasem bad sha kiba ieit ba thoiñ bad ngin dwai ïa ka mynsiem ba jahthait jong i,” ong ka kyrwoh na ka MFA.
Kum ka dak ka jingburom, na ka liang ka MFA ka la rai ban pynsangeh noh shwa ïa baroh ki jingïalehkai phutbol mynta ka sngi Saitjaiñ (24-09-2022).