Ka jingpyntip sha ki ba haïing hasem, ki kur ki kha, ki lok ki jor bad baroh kiba ithuh ithaw ïa I Dr. Andreas Dkhar, Additional Director of Health Services (SS), Shillong, iba shong ba sah ha Pohkseh Central, Shillong ila khlad noh haka 27.05.2023. Ka jingleh burom bad leh niam khatduh ïa ka met ba sah kan long haka 29.05.2023 na ïing sah jongi haka por 2 baje nohphai sngi bad yn tep ha u Lum Jingtep ka Balang Catholic kaba don ha Nongshiliang, Nongthymmai, Shillong.
I Dr Andreas i dei i khun ba saw napdeng ki hynriew ngut shipara ki khun jong I (L) Bah Tobias Colin Rynjah bad (L) Kong Theresia Troly Dkhar. La kha ïa I Dr Andreas ha ka 25 tarik Nohprah 1965 ha Malki. I la pyndep ïa ka jingpule ha ka skul Little Flower bad hadien kane i leit pule ïa ka PU (Sc) 1st bad 2nd Year ha St Anthonys’ College. Ha u snem 1984 i la leit pule ïa ka MBBS ha RIMS Imphal, Manipur. I la trei nyngkong eh bad ka Nazareth Hospital bad hadien kane i sa ïoh pat ha ka kam sorkar. I la trei nyngkong eh ban shakri kum u doktor sha Sahsniang bad hadien kane sha Laitryngew. Nangta i la leit pyntbit shuh shuh ha ka jingpule bad i la pyndep ïa ka PG Medicine. I la ïoh ruh ïa ka Gold Medalist. Hadien ba i la dep pyntbit i sa ïai bteng ban shakri ha ki hospital sorkar haduh ban da kiew sha kane ka kyrdan mynta kum u Addl. Director of Health Services. I kurim jong i iba la khlad na kane ka pyrthei i dei I Kong Daiamonlang Mylliemngap. I la ïehnoh shadien ïa ki lai ngut ki khun kynthei i Dr Ibanylla Mylliemngap (Dentist), Dr Wanbhanylla Mylliemngap MBBS bad iba khatduh iba dang pule ïa ka Final Year BA I Iahunlang Mylliemngap.
