Nongpoh, Nohprah 02 : Ha kawei ka jingjia kaba sngewshyrkhei kawei ka samla ba dang 21 snem ka rta naka shnong Jorbil Killing kala khlad noh hashen hadien bala suba ba ka la shah iuh ha ka trok haki bynta jong ka khlieh.
Katkum ka jingtip bala ioh lum la ong ba kane ka jingjia kala jia haka shnong Kamla Bagan hynnin ka miet haka por kumba 12 baje eiei ha kaba katei ka samla ka dei kaba la tip kyrteng kum ka Blessbina Marak 21 snem ka rta, bad ïa katei ka samla kaba la don hapdeng ka jiingmynsaw kaba jur la lap nyngkong da ki paidbah kiba la iohi ba katei ka samla kala thiah lyngktar ha surok ryngkat ka jingphlei snam ha kaba la pyntip noh wut wut sha ki pulit ka Khanapara PS bad naka liang ki pulit kila leit mar mar sha katei ka jaka ban pynlong ka jingtohkit bad pynkit noh ïa katei ka samla sha Nongpoh Civil Hospital naka bynta ka post mortem.
Naka liang ki pulit ki dang pynlong ka jingtohkit ban lap ïakadaw tynrai jong katei ka jingjia.
