Shillong, Jymmang 4 : Ha kawei ka jingjia kaba sngewsangsot, kawei ka longkmie ka la khlad hajuh katba lai ngut ki shynrang briew ki la mynsaw jur eh haba ka kali Bolero ba ki shong ka hap shapoh riat ha Rari, North Garo Hills ha ka step Lah Sngi U Blei.
Kat kum ka khubor ba la ïoh la ïathuh ba kine ki saw ngut ki la mih da kane ka kali Bolero nangne na Shillong ban leit phai sha Tura. Hynrei ha lynti haba la poi ha Rari, North Garo Hills kane ka Bolero ka la hap sha riat ha kaba kane ka longkmie ka la khlad hajuh bad kine ki lai ngut kiba mynsaw jur pat la pynkynkit mar mar sha Guwahati ban ïoh jingsumar kyrkieh. La ïathuh ba kane ka kali ka dei kaba don u number Plate na Baghmara bad ka dei ka kali ba la shim wai da ki pulit, hynrei la thied kylla pat ïa kane ka kali da kane ka longkmie.
Ym pat tip ha kano ka rukom kane ka jingjia ka la jia namar ki pulit kim pat ïoh ban tohkit ïa ki lai ngut namar ki dang don hapdeng ka jingshitom jur.
Na ka liang jong ki Pulit, wat lada kim pat ïoh ban tohkit bniah ïa kitei ki lai ngut kiba mynsaw jur, hynrei ki la suba jur ba kalah ban dei ka jingpynher sted palat u nongñiah ba um lah shuh ban khun ïa ka kali kaba pynlong ïa ka ba kan thung baji sha riat ba jylliew bha.
