Khliehriat, K’Lyngkot 6: Kawei ka longkmie kaba la tip kyrteng kum ka Lusia Lamare, 28 snem kyrta kaba na Mookhu ka la khlad noh ha kaba la suba ba ka la shah tynrah ha ka kali bad ki pulit jong ka Khliehriat Police Station ki la lap ïa ka met jong ka hapdeng surok ha Mookhu ha ka lad ban leit sha Ladrymbai Bypass kaba ka la thiah ha surok hapdeng ka jinglyngkien ka snam, kane ka la jia hynnin ka miet ha ka por kumba 10.30 mynmiet.
Na ka liang ki pulit mar mar ki la kit ïa katei ka longkmie sha Khliehriat Civil hospital bad ki doctor ki la ong ba katei ka longkmie ka la dep khlad lypa naduh shwa ban poi ha hospital, kumta ïa ka met jong ka la buh noh ha ka jaka buh met iap ha hospital Khliehriat
