Shillong, Lber 30 : Ha kawei ka jingjia kaba sngewsih bad sngewsangsot, arngut ki samla ki la duh ei ïa la ka jongka jingim na ka jinghap shapoh riat ha ka thaiñ Rapleng, kaba hap hapoh ka Mawkynrew C&RD Block, East Khasi Hills. Kane ka la jia tang namar ka jingbeh ïa ka helmet kaba tyllun katba ki dang ïashongkai ha tmier kane ka riat.
Kat kum ka khubor Pulit, kane ka jingjia kala jia katba kine ki samla ki dang ïalehkai hajrong u lum. Kane ka jingjia kala jia ha ka 29 tarik Lber.
Kine kiba khlad ki kyrteng u Rishan Rani ba 23 snem bad u Ericfortis Kharkongor ba 23 snem, kiba dei na ka shnong Langkyrding, Nongmensong, Shillong.
Ki Pulit ki ïathuh ba lai ngut ki samla kila leit kai sha kane ka jaka hynrei uwei u samla ula lait im.
Ki Pulit ki ïathuh ba ha ka por ba kine ki samla ki dang ïalehkai, kynsan kynsan ka helmet jong ka scooty kala tyllun shapoh ka riat bad ha ka jingïabeh ban kurup ïa ka helmet, arngut ki la syntuid bad hap pynban sha riat kaba jrong da ki spah meter.
Ka kynhun Search & Rescue Team bad ki Pulit ki la iahiar mardor sha katei ka jaka bad ki la ioh ban sei ïa ki metiap mynta ka Lah Sngi U Blei.
