Shillong, Naitung 03: Ki shnat treikam jong ka Khasi Students’ Union (KSU) ha ka sngi Balang ki la leit ban khang khyrdep ïa ki ophis treikam bad ki Bank ha rilum Khasi bad Jaiñtia namar ka jingbym burom ïa ka lehniam Behdeiñkhlam da kaba pynlong trei ha kane ka sngi shuti ba la pynbna da ka Sorkar.
Ki dkhot ka KSU ki la leit khang khyrdep ïa ki ophis treikam kiba don ha sor Shillong bad khapsor namar ka jingbym burom ïa ka sngi lehniam Behdieñkhlam.
Kane ka jingpynsangeh treikam bad ka jingphah khang noh ïa ki ophis treikam ka kynthup ïa ki Bank, ki Post Ophis, ki Ophis jong ki kompeni kiba don naduh ki thaiñ Mawlai kynthup ïa ka Ophis FCI Mawroh, shaduh Lumdiengjri, Motphran bad shaduh ki thaiñ Khyndai Lad, Laban, Laitumkhrah, Malki, Nongthymmai , Nongmensong bad kumjuh ruh sha kiwei pat ki Shnong ka Nongbah Shillong.
