Jowai, Risaw, 20: Ka seng All Jaiñtia Cement and Clincker Association (AJCCTA) ka la maham tyngeh ïabaroh ki para transporters ba kim bit shuh ban kit palat pud naduh Kane ka sngi Nyngkong (Monday) kaban wan.
Ka seng ka la shong jingïalang mynta ka sngi Ba lang ha office treikam jong ka ha Chiehruphi da kawei ka jingmut ki la shim ïa kane karai ban khang noh shisiendon ïa barok ki transporters ki ba kit dewbilat bad clincker ba kit palat pud.
Ha ïakren bad une u Nongthouh khubor, U ma Balen Thubru, President ka AJCCTA u la ong ba kito kiba pynkheiñ ïa kane ka Rai kin hap ban siew ïa ka kuna kaba T.50, 000/-.
Na ka liang utei u nongïalam ba Rangbah ka seng u la kyntu ruh ïa ki bor badei peit ïa ka transport department khamtam ia ki weighbridge ban peitngor bha bad nym leh khliehshrieh haba ki trok ki kit overload.
Shuh shuh u ma Thubru ula kyntu ruh ïa ka bor District ban shmkhia halor ka jingpynïeng kali pathar ki driver ha shilynter u National Highway NH -06 naduh Khliehriat ter ter shaduh Umkiang. Khamtam eh ha Ladrymbai bad Khliehriat.
“Ngi kyntu ruh ïa ka sorkar ban pynbha ia u surok bye pass na Las Jaliah shaduh Moowakhu, khang ba ki trok bad ki kali kit marbam mardih ban kiar ïa ka Ladrymbai kaba namar ba jur palat ka dheng kali”, la Ong u ma Thubru.
U la Ong ba Kane ka jingpynïeng kali pathar harud u surok bah ka wanrah ka jingthuh ym tang ïa ka ïaid ka ïeng ki riew paidbah, hynrei wat ïa ki para ba ñiah kali ba kit mar mata, marbam mardih. “Nalor ba ka jingsniew u surok la long shaba palat, sa ka jingpynïeng kali thurmur bad ba pathar ki kali ka wanrah shibun ki jingeh ïa ki babun ba lang bad Nga kyntu ïa u Deputy Commissioner bad ïa u SP ka EJH ban shim khia ïa kane”, la ong u Ma Thubru.
