Nongstoiñ, Nohprah 12: U Superintendent of Police jong ka West Khasi, Hills District u Bikram D. Marak u la pyntip sha ki paidbah ha kaba ïadei bad ka Mawphanlur Run Safari Marathon kaba la buh ban long ha ka 14 tarik Nohprah 2024, ha Mawphanlur-Mawthadraishan, ha kaba la pynbeit ïaki jingpynbeit kali na ka bynta ka jingïaid beit ïaid ryntih jong ki kali bad ka jingshngaiñ jong ki nongïashim bynta ha marathon.
Yn pynjari No Entry ïa baroh ki kali naduh na lad Mawphanlur-Mawthadraishan bad naduh Mawphanlur-Lawdisai ha khappud shnong sha kliar lum Mawphanlur.
Yn pynjari No Entry ïabaroh ki kali na Mawphanlur sha ki jaka ba pynïasoh Mawphanlur-Mawthadraishan.
Kine ki jingkhang rung kali ha kitei ki jaka ba la kdew haneng, kin treikam naduh ka por 7:30 baje baje mynstep haduh ban da pyndep ïa ka jingïamareh marathon ha ka 14 tarik, Nohprah, 2024.
Ka jingpynbeit jaka ïeng kali ïa ki kali kiba dei jong ki nongïashim bynta bad ki ophisar yn shah ban ïeng tang ha ki jaka ba la buh kyrpang ha kliar lum Mawphanlur.
La kyrpad ïa ki paidbah ban ïatreilang bad ki jingpynbeit ïa ka leit ka wan khnang ban pynthikna ïa ka jingjop bad jingshngaiñ jong kane ka marathon.
