Shillong, Naiwieng 11: Hadien ka 149 kynta jong ka jingshong shah thngan ka Vice President jong ka KSU NEHU ka samla Cecilia Pyngrope ka la kem pang ha ka sngi nyngkong.
Kane ka jingïakhih kaba khlem pud sngi ka Vice President jong ka KSU NEHU Unit ka la shah pynkitnoh sha Civil Hospital hadien ba ka la kem pang na ka daw jong ka jingban palat jong ka jingtlot jong ka met.
Katkum ka jingïathuh jong ka seng la ong ba na ka liang ka samla Cecilia Pyngrope ka la ong ba kan sa wan biang ban bteng ïa ka jingshah thngan jong ka hadien ba la ïoh ïa ka met kaba koit kaba khiah.
Ïa kane ka la ong da ka jingkut jingmut ba u Vice Chancellor ka NEHU un dei ban pynurlong ïa ki jingdawa jong ka seng. Kumba long haduh mynta ki la don haduh 5 ngut kiba la shah pynkit sha ki jaka sumar ha kaba 2 ngut ki dei ki kynthei bad 2 ngut ki shynrang kiba la shah sumar ha Civil Hospital bad 1 la shah sumar ha NEIRGIHMS.
Naduh ba la sdang ka jingïakhih ki la don haduh 9 ngut ha kaba 4 ngut ki la lait noh na ka jingshah sumar bad kiba la bteng biang ban wan shah thngan.
