Kem noh ki pulit ïa u kpa ba la kynnoh leh be-i-jot ïa la ka khun ha South West Khasi Hills District

Mawkyrwat, Naiwieng 17, 2025: Ki Pulit ka Mawkyrwat Police Station ki kem noh ïa uwei u briew uba la kynnoh ba u la leh be-i-jot ïa la ka khun kana dang 10 snem ei ei ha kawei ka shnong hapoh jong ka South West Khasi Hills District.Ha ka tyllong khubor ba la ïoh na u bah B. Jyrwa, MPS jong ka South West Khasi Hills District u la ïathuh ka jingïoh ïa u runar ka dei hadien ka jingïoh jingujor na ka lok jong u ha kaba la ujor ba u la leh be-i-jot ryngkat ka byrngem naduh u bnai Naitung, 2025.
Ïa u runar ba leh ïa ka kam pap kam sang ïa i hep rit ba dang 10 snem la tip kyrteng kum u Rikoslang Shangpliang bad la kem ïa u ha ka 14/11/2025 bad phah sha ka Ïingkashari ha Mawkyrwat, ryngkat ka jingpynsaja ban set phatok 14 sngi ha ka Judicial Custody. Ym tangkata, la phah ïa utei u runar ban leh ïa ka eksamin ha Civil Hospital, Mawkyrwat.Halor kane ka jingjia, u SP u la ïathuh ruh ba ïa utei u runar ba leh ïa kane ka kam la dep ban pynrung hapoh ka Mawkyrwat Women Police Station kaba C/no.13/2025 U/S 5(m)(n)/6 R/W Sec 351(1) BNS.