Shillong, Naiwieng, 20: Uwei u samla uba la leh shongshit ban leit kiew halor rynsan da kaba ïaid tuh na ka Fanpit katba u nongrwai Hiphop ba ju khot sin kyrteng u Tyga u dang rwai ha ka sngi kut jong ka tamasa Cherry Blossom u la shah kem ha ki Pulit bad mynta u dang don hapoh along.
Katkum ka khubor ba la ïoh lum ka ïathuh ba kane ka jingkiew sha rynsan ka long kum ka jingbym niewkor ïa ki nongrwai kiba wan nabar ka ri bad la pyntip ruh ba une u samla u la rung tuh shapoh ka tamasa Cherry Blossom kaba la long ha u snem 2024 na ka jingker kaba lait.
La kynnoh ba u la rung tuh hapoh ka Concert u Ed Sheeran da kaba kam ïalade ba u dei u Security Guard bad phong ruh ïa ka Green Vest.
