Shillong, Rymphang, 01: Ka Pulit ka Anti Narcotic Task Force kiba la ïoh ïa ka jingtip kaba bniah na ki tnat syntiat ki la hiar khynra ha ka sngi Saitjaiñ shnong Naspatigari, Shillong kaba hap hapoh ka Lumdiengjri Police Station.
U kyrwoh ba la phah da u Superintendent of Police ka East Khasi Hills District Bah Vivek Syiem u la pyntip ba ha kane ka jingkhynra ki Pulit ki la kem ïa u Manoj Kumar Saha, 47 snem ka rta uba dei u snar khaii drok bad ïoh kurup saw tylli ki synduk thep sabon kiba la thep ïa u drok uba khia 41.96 gram.
Ïa ka case la register hapoh ki kyndon jong ka NDPS Act.
