Shillong, Nailar 02 : Ki Pulit ka Mawlai Police Station kila ïoh kem ïa u nongtuh, uba tied da ka wrench ïa uwei u nong pahara jong kawei ka ïing ba dang shu shna ha Mawlai Umshing.Une u nongtuh u kyrtengu Maxson Dkhar ba 29 snem ka rta, khun jong u (L) Bah Jopstar Rani.
Ka dei ha ka step 31 tarik Naitung, une u nongtuh ula leit rung ha kane ka ïing ha Mawlai Umshing da ka jingthmu ban leit tuh hynrei u nongpahara ula mih ban kem bad poi sha ka jingïakhun.Ha kane ka jingïakhun, une u runar ula ïoh tied da ka wrench ïa une u nongpahara na ki bynta jong ka khlieh, haduh ba ula mynsaw bad shah suh haduh sawksai.
Ki Pulit ki suba jur ba une u nongtuh ula wan bad kiwei pat ki para nongtuh hynrei baroh kila ïaphet mar syn mih ka jing ïakhun. Ki Pulit kila pynlong ïa ka jingtohkit ban lapdien ïa kine kiwei pat ki runar.
