Mawkyrwat, ‘Naitung 25: Ki Pulit jong ka South West Khasi Hills District ki la ïoh kem ïa uwei u bar jylla na ka shnong Khudnamari, Dhubri District, Assam halor ka jingkynnoh ba u donkti ban leh be-ijot ïa la ka khunruit ba dang 13 snem ka rta ba shong ba sah ha kawei ka shnong hapoh ka South West Khasi Hills District.
U kyrwoh ba la phah da u Superintendent of Police ka South West Khasi Hills District u la pyntip ba la kem ïa u Kpanah bar jylla hadien ka jingïoh pdiang ïa ka ehjahar ha ka 23 tarik mynta u bnai na ka kmie jong ka lanot kaba sah ha ka shnong kaba hap hapoh ka Ranikor Civil Sub Division.
Katkum ejahar, la kynnoh ba u kurim jong ka uba dei u bar jylla na Assam uba la don kumba 45 snem ka rta u la leh beijot ïa ka khunruit bad ha ka jingtohkit ka khun ka la phla ba u kpanah u la leh beijot ïa ka 4 haduh 5 sien eiei naduh u bnai Kyllalyngkot, 2025.
Tang shu pdiang ïa ka ejahar, ha ka 24 tarik, mynta u bnai ha ka por kumba 12:30 baje shiteng miet ki Pulit ki la ïoh kem noh ïa u kpanah bar jylla bad ha ka jingtohkit u la phla ba ula leh ïa ka kam bymman.
Ki Pulit ki la regiser case pyrshah ïa u runar hapoh Mawkyrwat Women PS C/No. 07/2025 hapoh ka section 5(l) (n)/6 A jong ka POCSO.
Ïa u kpanah bar jylla la tian bishar bad ka Kashari ka la phah set 14 sngi ha Judicial Custody, la pyntip u SP.
