Shillong, Rymphang 13: Ki Pulit jong ka Pynursla Police Station kila kem noh ïa lai ngut ki briew kiba suba kidei ki nongtuh bike ar shaka.
Kane ka jingïoh kem ki pullit, ka dei lyngba ka jingsuba sniew jong ki briew ka shnong Umthli kaba hap hapoh ka Pynursla PS ïa kaba kila pyntip mar mar sha u OC ka Pynursla ha ka por 9.30 baje mynstep.
Na ka liang ki Pulit ka Pynursla ruh khlem da pynslem mar mar kila leit bad kem noh ïa kine ki briew.
Kham hadien la ujor da ka FIR da u u Rahul Thapa na Goenka Compound ba u la pynïeng ia ka Motor Cycle – No ML 05 AC 4622 (YAMAHA MT 15) ha jaka ieng kali jong ka Goenka Compound. Hynrei mynta ka sngi ha ka por 11:30 mynstep u la lap ba ka thuk thuk jong u ka la jah.
Kumta la register noh ïa ka case ha Sadar PS Case no 42(02)2026 u/s 305 (b) BNS.
Ki briew kiba la shah kem ki long kynthup ïa u Pyndapborlang Khonglah ( 26 snem) uba dei na Pynursla, Wah Pathaw, u Bamkerlang Surong ( 22 snem) uba dei na Sohlong, Wahkdait bad u Iohborlang Mylliem Umlong ( 36 snem) uba dei na Lawmei, khliehshnong.
Ki tiar ba la kurup ki pulit ki kynthup ïa kawei ka ML 05Z 5650 Hyundai nios i10, ka ML 05N 4146 Alto 800 (kali tourist), 1 (one) VIVO mobile phone, 1 (one) Samsung mobile phone, 1 (one) Poco mobile phone.
Ka jingtohkit ka dang ïaid shakhmat ban pynthikna ïa ka jingdonkti jong ki ha kiwei pat ki kam tuh kali ar shaka.
