Shillong, Nailur, 02: Arngut ki shi snar nongkhaïi drok kynthup kawei ka kynthei ki la shah kem bad u drok heroin na Rilbong ha ka miet Lah Sngi u Blei.
Tang shu ïoh jingtip na ki tnat syntiat, ka kynhun Anti-Narcotics Task Force (ANTF) ka la leit khynra ïa ka iingsah ha Nepali Compound kaba don ha Rilbong bad kem ïa ki arngut ki briew ba la tip kyrteng kum u Sadik Ahmed, 27 snem bad ka Arti Dorjee, 28 snem, la ong ki Pulit.
Saw tylli ki synduk thep sabon ba la thep ïa u drok heroin la ïoh kurup na ka iing ba ki shongwai, uba khia 42.10 gram.
Ïa ka case la register ha Laban Police Station hapoh ka Narcotic Drugs and Psychotropic Substances (NDPS) Act.
Ïa ki nongshah kynnoh la rah medical checkup bad shen yn sa tian bishar ha Kashari shwa ban pynlong shuh shuh ïa ki jingtohkit kiba bniah.
