Shillong, Jylliew 17: Arngut ki kynthei na Manipur ki la shah kem bad u heroin na Madanrting ha ka step jong ka sngi nyngkong.
Ïa kitei la kem hadien ba la pynlong ïa ka jingtalasi kaba manla ka por da ka Anti-Narcotics Task Force (ANTF) jong ka East Khasi Hills, Shillong ha kaba ki la lap 454.32 gram u heroin najan Madanrting police station na kitei ki arngut ki kynthei, kiba dang shong hapoh ka kali tourist traveller, ong u SP ka East Khasi Hills u Bah SP Sylvester Nongtnger ha ka kyrwoh.
Ïa kitei ki longkmie la ithuh kyrteng da ka Tinkhonei Haokip (37) bad ka Mongkim Hoakip (53) kiba na ka shnong New Keithelmanbi, Senapati, Manipur, u la ong.
Ka jingtohkit la pynlong kaba long ruh hapoh ki kyndon jong ka NDPS Act.
