Shillong, Nailur 28: Ki pulit ki la ïoh ban kem noh ïa arngut ki snar nongkhaïi drok kiba na Manipur ha ryngkat bad u drok na 8 mer.
Lyngba ki lad syntiat ba ki la ïoh lum mynta la kumba 4 sngi, ki la pulit ki la pynsangeh ïa ka kali TATA kaba don u Registration No. ML05 K 2315 kaba dang wan na Silchar, Assam.
Kine ki arngut kiba la shah kem ki kynthup ïa u Chuchung Serto uba na Nakhunjang, Kangpokpi, Manipur, bad u Thanggin Towthang na Songpehh, Churachandpur, Manipur, ki la shah bat ha kane ka jingtalasi.
Na kine ki briew, ki pulit ki la ïoh kurup haduh 50 tylli ki synduk sabon kiba don ïa u jingdih pynbuaid u drok ba la kurup hapoh ka kali napoh ka running board. Ym pat lah ban tip thikna ïa ka jingkhia jong u drok ba la ïoh kurup naba haduh mynta na ka liang ki pulit ki dang thew bad ban shim ruh ïa ka rai.
Ki pulit ki la ïoh ruh ban kurup ka pisa India kumba T. 6,775, kumba ?3,000 ka pisa South Korea (Won), kumba ?500 ka pisa Kazakhstan Tenge, bad 10 ka pisa Burma, artylli ki mobile phone.
